Shifra tepër të ulëta janë regjistruar të hënën në vendin tonë gjatë 24 orëve të fundit. Ministria e Shëndetësisë ka bërë me dije se 6 qytetarë kanë rezultuar pozitivë me koronavirus, ndërsa fatmirësisht nuk ka pasur asnjë fatalitet si pasojë e patogjenit.
Për fat të mirë, janë shëruar edhe 34 qytetarë gjatë 24 orëve të fundit, duke e çuar numrin e të shëruarve në 271,617 që nga fillimi i epidemisë.
Ndërkohë, 258 qytetarë janë aktivë me Covid-19 në gjithë vendin.
Njoftimi i Ministrisë:
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anticovid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 407 testime, nga të cilat kanë rezultuar pozitivë me COVID19, 6 qytetarë, në këto bashki:
3 qytetarë në Tiranë, 1 në Fier, Delvinë, Vlorë.
Janë 258 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 7 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 34 qytetarë gjatë 24 orëve të fundit, duke e çuar numrin e të shëruarve në 271,617 që nga fillimi i epidemisë.
Statistika (09 Maj 2022)
Raste të reja ditore 6
Të shëruar në 24 orë 34
Të shtruar në spitale 7
Humbje jete në 24 orë 0
Testime ditore 407
Testime totale 1,813,289
Raste pozitive 275,372
Raste të shëruara 271,617
Raste Aktive 258
Humbje jete 3,497
Shpërndarja gjeografike e rasteve aktive sipas qarqeve:
Tiranë 168
Fier 26
Vlorë 22
Shkodër 8
Durrës 8
Lezhë 8
Korçë 6
Elbasan 5
Berat 3
Kukës 2
Gjirokastër 2
